‘लोन ॲप’ वर झालेलं कर्ज फेडण्यासाठी भाच्याने प्रेयसीच्या मदतीने केली मामाच्याच घरात चोरी

या जबरी चोरीचा तपास करण्यासाठी काशिगाव पोलिसांनी पथके तयार केली. सीसीटीव्हीवरून आरोपीचा माग काढण्यात आला. पोलिसांना चकमा देण्यासाठी आरोपी घरातून निघाले आणि एका रिक्षात बसले. त्या रिक्षातून काही अंतरावर उभ्या असलेल्या एका वाहन बसून पसार झाले. पोलिसांनी सीसीटीव्ही कॅमेर्‍याच्या आधारे त्या वाहनाचा क्रमांक मिळवला आणि त्याचा मालकाचा शोध घेतला. ती कार बदलापूर येथील एका इसमाची होती. त्याने ती नया नगर येथील व्यक्तीला विकली होती. नया नगर येथील व्यक्तीने ती कार नालासोपारा येथील २३ वर्षीय झुबेर नावाच्या तरुणाला विकली होती. पोलीस त्या तरूणाकडे गेल्यावर धक्का बसला. कारण तो तरुण फिर्यादी याचाच भाचा निघाला. त्याने आपल्या प्रेयसी आणि आणि काकाच्या मदतीने ही लुटीची योजना बनवली होती, अशी माहिती काशिगाव पोलीस ठाण्याचे वरिष्ठ पोलीस निरीक्षक राहुल पाटील यांनी दिली.

झुबेर याने एका लोन ॲप वर कर्ज घेतले होते. कर्जाची रक्कम ८ लाखांवर गेली होती. त्यामुळे त्याला धमक्या मिळत होत्या. हे कर्ज फेडण्यासाठी त्याने मामाला लुटण्याची योजना बनवली होती. मामाच्या घरात सकाळी रोख रक्कम जमा होते हे त्याला माहिती होते. त्यासाठी त्याने खेळण्यातील बंदुक घेतली. त्याच्यासोबत त्याची प्रेयसी इकरार (२१) आणि काका कामरान (३०) यांना सामिल केले. त्यांची योजना यशस्वी झाली खरी. परंतु मात्र काशिगाव पोलिसांनी तत्परतेने तपास करून अवघ्या ३६ तासात आरोपींना बेड्या ठोकल्या.